QHT rəhbərləri SƏLİS müqavilə haqqında: İlk dəfə qrant müqavilələri elektron formada imzalandı

Bildiyimiz kimi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2019-cu ilin noyabırında 26 qurumla birgə qrant müsabiqəsi elan etmişdir. Bu qrant müsabiqəsinin nəticələri 2020-ci ilin mart ayında elan olundu.
Mayın 31-dən etibarən isə Şura Katibliyi qrant müsabiqəsinin qalibi olan QHT-lərlə qrant müqavilələrinin imzalanması üçün zəruri hazırlığa başlanmışdır. İndiyədək 363 QHT ilə qrant müqaviləsi imzalanıb.
Şura iyunun 2-dən başlayaraq QHT-lərlə qrant müqavilələrini heç bir canlı təmas olmadan elektron qaydada imzalayır. Məlumat üçün bildirək ki, SƏLİS müqavilə ölkəmizdə QHT-lərə xidmət sahəsində ilk dəfədir tətbiq olunur. QHT bir neçə saniyədə Asan İmza vasitəsilə Şura ilə qrant müqaviləsini bağlayır.
İlk dəfə tətbiq olunan bu sistemin region QHT-ləri və əlliliyi olan şəxslərin problemləri ilə məşğul olan təşkilatlar üçün xüsusi əhəmiyyət daşıyır. Ümumilikdə isə elektron müqavilə  şəffaflıq və əlçatanlıq baxımından da vacib alətlərdən sayılır.
Prezident yanında QHT-lərə Dövlət Dəstəyi Şurası tərəfindən hazırlanan SƏLİS platformasının xüsusi əhəmiyyəti dünyanı cənginə alan COVID-19 pandemiyası dövründə daha da qabarıq göründü. Belə ki, SƏLİS Platforması olmasaydı, ölkəmizdə xüsusi karantın rejiminin mövcud olduğunu nəzərə alsaq, Şuranın 26 tərəfdaş qurumla birgə təşkil etdiyi qrant müsabiqələrinin qalibi olmuş 423 QHT ilə müqavilə bağlanması qeyri mümkün olardı.
Hazırda QHT-lərlə SƏLİS müqavilələrin imzalanması prosesi davam etməkdədir. Bu proses yaxın vaxtlarda başa çatacaq və QHT-lər layihələrin icrasına başlayacaqlar.
QHT.az SƏLİS Platforması üzərindən Şura ilə qrant müqaviləsi bağlayan bir neçə QHT rəhbərinin fikirlərini öyrənib.
Alət çubuğuna keç